35 Gujarat Battalion NCC:35 ગુજરાત બટાલિયન NCC દ્વારા સશસ્ત્ર દળ ધ્વજ દિવસની ઉજવણી બનાસકાંઠામાં 213 કેડેટ્સે દેશપ્રેમનો સંદેશ આપ્યો

35 Gujarat Battalion NCC પાલનપુર સ્થિત 35 ગુજરાત બટાલિયન એન.સી.સી. દ્વારા સશસ્ત્ર દળ ધ્વજ દિવસની ભાવભીની ઉજવણી કરવામાં આવી હતી. આ કાર્યક્રમમાં બનાસકાંઠા તેમજ વાવ-થરાદ જિલ્લાના વિવિધ શૈક્ષણિક સંસ્થાઓમાંથી કુલ 213 NCC કેડેટ્સ જોડાયા હતા. આ ઉજવણી દિયોદર, કૃષિનગર દાંતીવાડા અને વાવ ખાતે સંપન્ન થઈ હતી.

35 Gujarat Battalion NCC: સશસ્ત્ર દળ પ્રત્યે આદર વ્યક્ત કરવાનો દિવસ

સશસ્ત્ર દળ ધ્વજ દિવસનો મુખ્ય હેતુ દેશના નાગરિકોમાં સશસ્ત્ર દળો પ્રત્યે આદર, ગૌરવ અને સંમાનની ભાવના પ્રગટ કરવો છે. આ દિવસે નાગરિકો આપણા બહાદુર સૈનિકોના યોગદાનને યાદ કરી તેમને સમર્પણ વ્યક્ત કરે છે.

દેશભક્તિથી ઓતપ્રોત વક્તવ્ય

કાર્યક્રમ દરમિયાન એન.સી.સી.ના વિદ્યાર્થીઓએ દેશભક્તિ, સૈનિકોની બહાદુરી અને સશસ્ત્ર દળોના રાષ્ટ્રની સુરક્ષામાં મહત્ત્વ પર પ્રેરણાદાયક વક્તવ્ય આપ્યા હતા. વિદ્યાર્થીઓના ઉત્સાહપૂર્ણ ભાષણોથી સમગ્ર વાતાવરણ દેશપ્રેમથી ગુંજી ઉઠ્યું હતું.

રેલી દ્વારા એકતાનો સંદેશ

શહીદ જવાનો પ્રત્યે શ્રદ્ધાંજલિ વ્યક્ત કરવા અને તેમની બહાદુરીને યાદ કરવા માટે રેલીનું આયોજન પણ કરવામાં આવ્યું હતું. રેલી દરમિયાન વિદ્યાર્થીઓએ દેશપ્રેમના નારા લગાવી નાગરિકોમાં રાષ્ટ્રપ્રેમની ભાવના પ્રસરાવી હતી.

શહીદોને શ્રદ્ધાંજલિ

35 Gujarat Battalion NCC કાર્યક્રમ દરમિયાન વિદ્યાર્થીઓએ શહીદ સૈનિકોને ભાવપૂર્વક શ્રદ્ધાંજલિ અર્પણ કરી અને તેમની અમુલ્ય ત્યાગ માટે આભાર વ્યક્ત કર્યો હતો. આ સાથે નાગરિકોને પણ દેશપ્રેમ અને રાષ્ટ્રસેવા માટે પ્રેરિત કરવામાં આવ્યા હતા

વોટ્સએપ ચેનલ	અહીં ક્લિક કરો
ફેસબુક	અહીં ક્લિક કરો
ઇન્સ્ટાગ્રામ	અહીં ક્લિક કરો
યુટ્યુબ	અહીં ક્લિક કરો
વધુ સમાચાર	અહીં ક્લિક કરો