અંબાજી ભાદરવી પૂનમ મહામેળો 2025 : 29 સમિતિઓ સાથે તડામાર તૈયારીઓ, સ્વચ્છતા અને સુવિધાઓ પર વિશેષ ભાર
અંબાજી
ભક્તિ, આસ્થા અને સંસ્કૃતિનું અનન્ય પ્રતિક ગણાતો અંબાજી ભાદરવી પૂનમ મહામેળો આ વર્ષે પણ ભવ્યતા સાથે ઉજવાવાનો છે. આગામી 1 થી 7 સપ્ટેમ્બર 2025 દરમિયાન બનાસકાંઠાના અંબાજી ધામ ખાતે આ મહામેળો યોજાશે. લાખો પદયાત્રીઓ અને ભાવિકો આ સમયમાં મા અંબાને દર્શન કરવા ઉમટી પડશે.
આ વર્ષે મેળાનું આયોજન વધુ સુચારુ બનાવવા માટે વહીવટી તંત્ર “આસ્થા તમારી, વ્યવસ્થા અમારી”ના સૂત્ર સાથે તૈયારી કરી રહ્યું છે.
✅ અંબાજી મુખ્ય આયોજન અને સુવિધાઓ
- 29 સમિતિઓની રચના : જિલ્લા કલેકટર મિહિર પટેલના માર્ગદર્શન હેઠળ અલગ-અલગ જવાબદારીઓ સંભાળવા માટે સમિતિઓ બનાવાઈ છે.
- સ્વચ્છતા અને ખાણીપીણી : મેળા દરમિયાન સ્વચ્છતા જળવાઈ રહે તે માટે ખાસ ધ્યાન આપવામાં આવશે. ખાણીપીણીના સ્ટોલ પર ગુણવત્તાસભર ભોજનની સુવિધા રહેશે.
- પદયાત્રીઓ માટે સુરક્ષા : રોડ ક્રોસિંગ અને આવનજાવન માટે ખાસ આયોજન, જેથી કોઈ મુશ્કેલી ન પડે.
- વિશેષ આકર્ષણો : આરતી-દર્શન વ્યવસ્થા, સ્માર્ટ પાર્કિંગ સિસ્ટમ અને ભવ્ય ડ્રોન લાઇટ શો ભાવિકોને અનોખો અનુભવ કરાવશે.
- આવશ્યક સુવિધાઓ : પીવાના પાણી, વીજ પુરવઠો, પ્રસાદ વિતરણ અને કચરાના નિકાલ માટે મજબૂત વ્યવસ્થા ગોઠવવામાં આવશે.
- ગબ્બર પર્વત પર વિશેષ આયોજન : પદયાત્રીઓ માટે સુવિધાજનક વ્યવસ્થા ગોઠવાશે.
🙏આસ્થાનો મહાપર્વ
અંબાજી ધામે ભાદરવી પૂનમના મેળાને માત્ર ધાર્મિક નહીં પરંતુ સામાજિક-સાંસ્કૃતિક ઉત્સવ તરીકે પણ ઓળખ મળે છે. લાખો ભાવિકોની ઉપસ્થિતિથી અંબાજી ધામ ભક્તિભાવના અને આધ્યાત્મિક ઊર્જાથી ગુંજી ઊઠશે.
👉 આ વર્ષે મેળામાં જોવાલાયક હશે મા અંબાની ભવ્ય આરતી, ટેક્નોલોજી આધારિત સ્માર્ટ સુવિધાઓ અને સંસ્કૃતિને ઉજાગર કરતો ડ્રોન લાઇટ શો.
Instagram પર Follow કરો
Facebook પર Like & Follow કરો
WhatsApp Channel માં Join થાઓ
