દાનની ગંગા વહેતી થઈ: ઢીમાધામે આંજણા ચૌધરી સમાજના શૈક્ષણિક સંકુલ માટે એક કરોડથી વધુનો ઐતિહાસિક ફાળો

ધરણીધર તાલુકાના પવિત્ર યાત્રાધામ ઢીમાધામ ખાતે 32 ગોળ આંજણા ચૌધરી સમાજના ભવ્ય શૈક્ષણિક સંકુલના નિર્માણ માટે દાનની અનોખી પરંપરા ફરી એકવાર જોવા મળી. ધરણીધર તાલુકાના ઢેરીયાણા ગામે સમાજના દાતાઓએ ઉદાર હાથે એક કરોડ રૂપિયાથી વધુનો ફાળો એકત્ર કરી સમાજમાં શિક્ષણ પ્રત્યેની પ્રતિબદ્ધતાનો ઉત્તમ દાખલો આપ્યો.

આંજણા ચૌધરી સમાજના શૈક્ષણિક સંકુલ માટે એક કરોડથી વધુનો ઐતિહાસિક ફાળો

32 ગોળ આંજણા ચૌધરી સમાજ દ્વારા ઢીમાધામે શૈક્ષણિક સંકુલ ઊભું કરવાની મહત્ત્વાકાંક્ષી યોજનાને આગળ ધપાવવા આગેવાનો ગામે ગામે જઈ ફાળો એકત્ર કરી રહ્યા છે. ઢેરીયાણા ગામે આગેવાનોના આગમન પ્રસંગે ગ્રામજનો દ્વારા ઉષ્માભર્યું સ્વાગત કરવામાં આવ્યું હતું.

ગામના અગ્રણી વાલજીભાઈ દેવશીભાઈ ચૌધરીએ જણાવ્યું હતું કે, “અમારું ગામ નાનું હોવા છતાં સમાજના લોકોમાં શિક્ષણ માટે અદભુત ઉત્સાહ જોવા મળ્યો છે. આ ઉત્સાહના કારણે જ એક કરોડથી વધુનો ફાળો એકત્ર થવો શક્ય બન્યો છે.” આ સિદ્ધિ બદલ સમગ્ર ગામ અને સમાજમાં આનંદ અને ગૌરવનો માહોલ છવાઈ ગયો હતો.

આગેવાનોએ વધુમાં જણાવ્યું કે જો દરેક ગામ આ જ રીતે સહકાર આપે અને ઉત્સાહથી આગળ આવે, તો સમાજનું શૈક્ષણિક સંકુલ વિચાર કરતા પણ વધુ સુસજ્જ અને ભવ્ય બનશે. જરૂર પડ્યે સમાજના યુવાનો પણ આગળ આવી દરેક રીતે મદદ કરવા તૈયાર હોવાનું તેમણે જણાવ્યું.

આ રીતે ઢીમાધામે શિક્ષણ માટે વહેતી દાનની વર્ષાએ સમાજના ઉજ્જવળ ભવિષ્યની આશાને વધુ મજબૂત બનાવી છે.

વોટ્સએપ ચેનલ	અહીં ક્લિક કરો
ફેસબુક	અહીં ક્લિક કરો
ઇન્સ્ટાગ્રામ	અહીં ક્લિક કરો
યુટ્યુબ	અહીં ક્લિક કરો
વધુ સમાચાર	અહીં ક્લિક કરો