Ambaji Bhadarvi Poonam Mela 2026 શક્તિપીઠ અંબાજીમાં યોજાયેલા સાત દિવસીય ભાદરવી પૂનમ મહામેળાનું સફળતાપૂર્વક સમાપન થયું છે. આ વર્ષે મેળા દરમિયાન મોટી સંખ્યામાં ભક્તોએ મા અંબાના દર્શન કરી ધન્યતા અનુભવી હતી. સત્તાવાર આંકડા મુજબ, કુલ 43,05,391 ભક્તોએ અંબાજી મંદિર ખાતે દર્શન કર્યા હતા.
મેળા દરમિયાન ભક્તોની સુવિધા અને અવરજવર માટે એસ.ટી. વિભાગ દ્વારા વિશેષ વ્યવસ્થા કરવામાં આવી હતી. કુલ 8,203 બસ ટ્રીપ દોડાવવામાં આવી હતી, જેમાં 3,50,618 મુસાફરોએ મુસાફરીનો લાભ લીધો હતો.
Ambaji Bhadarvi Poonam Mela 2026 મા અંબાના ચરણોમાં કરોડોનું દાન
ભાદરવી પૂનમ મહામેળા દરમિયાન ભક્તોએ મા અંબા પ્રત્યેની શ્રદ્ધા વ્યક્ત કરતાં મોટી રકમનું દાન કર્યું હતું. અંબાજી મંદિરમાં ભંડાર અને દાનની કુલ ₹2,16,44,619ની આવક નોંધાઈ હતી. આ ઉપરાંત ભક્તો દ્વારા 36.500 ગ્રામ સોનું પણ અર્પણ કરવામાં આવ્યું હતું.
મેળા દરમિયાન 4,528 ધજા રોહણ કરવામાં આવ્યા હતા, જે ભક્તોની આસ્થા અને શ્રદ્ધાનું પ્રતિબિંબ જોવા મળ્યું હતું.
રોપ-વે અને ઉડનખટોલાનો પણ મોટી સંખ્યામાં લાભ
અંબાજી પહોંચેલા યાત્રિકો માટે વિવિધ સુવિધાઓ ઉપલબ્ધ કરાવવામાં આવી હતી. મેળા દરમિયાન કુલ 67,572 યાત્રિકોએ ઉડનખટોલા અને રોપ-વેનો લાભ લીધો હતો.
આ પણ વાંચો: વાવ થરાદ જીલ્લાના દિયોદર ડિવિઝનમાં નવા ASP અધિકારીની નિમણૂક
લાખો ભક્તોને ભોજન પ્રસાદ
મેળા દરમિયાન ભક્તો માટે ભોજન અને પ્રસાદની પણ વિશેષ વ્યવસ્થા કરવામાં આવી હતી. કુલ 4,93,889 યાત્રિકોને ભોજન પ્રસાદ આપવામાં આવ્યો હતો.
આ ઉપરાંત ભક્તોને 32,31,263 મોહનથાળના પેકેટ અને 44,696 ચીકીના પેકેટનું વિતરણ કરવામાં આવ્યું હતું.
3 લાખથી વધુ લોકોને આરોગ્ય સેવા
મહામેળા દરમિયાન મોટી સંખ્યામાં લોકોની અવરજવર વચ્ચે આરોગ્ય વિભાગ દ્વારા પણ વ્યાપક વ્યવસ્થા કરવામાં આવી હતી. કુલ 3,05,214 લોકોને સારવાર આપવામાં આવી હતી.
યાત્રિકોની સુરક્ષા અને ખાસ કરીને બાળકોની સલામતીને ધ્યાનમાં રાખીને 1,43,869 બાળ સુરક્ષા કાર્ડનું વિતરણ કરવામાં આવ્યું હતું.
ભક્તિ, સેવા અને વ્યવસ્થાનો સમન્વય
Ambaji Bhadarvi Poonam Mela 2026 સાત દિવસીય ભાદરવી પૂનમ મહામેળા દરમિયાન લાખો શ્રદ્ધાળુઓ અંબાજી પહોંચ્યા હતા. દર્શનથી લઈને પરિવહન, ભોજન, આરોગ્ય અને સુરક્ષા સહિતની વિવિધ વ્યવસ્થાઓ વચ્ચે મેળાનું આયોજન પૂર્ણ થયું હતું.
આંકડાઓ પ્રમાણે આ મેળામાં 43 લાખથી વધુ ભક્તોએ મા અંબાના દર્શન કર્યા, જ્યારે મંદિરને ₹2.16 કરોડથી વધુનું દાન મળ્યું. ભક્તોની શ્રદ્ધા, સેવા વ્યવસ્થા અને ધાર્મિક માહોલ સાથે ભાદરવી પૂનમ મહામેળાનું સફળ આયોજન પૂર્ણ થયું.
